Mümmelmann, de Oosterhaas
Op de Wisch glieks nevenan
wahnt de lütte Mümmelmann.
Gor to snurrig süht dat ut,
hüppt he lustig in dat Kruut
un sleit Haken dör dat Gras,
de vergnöögte Oosterhaas.
Blots in de letzten Daag
seeg keeneen em op dat Flach.
Nee, keen Jäger hett em schaten
un keen Voss kreeg em tofaten.
So hett Opa mi vertellt,
un wat Opa seggt, dat gellt.
Oostern steiht ja vör de Döör,
un de Haas hett soveel vör.
All de Eier mutt he halen
un ehr kakelbunt anmalen
mit de allerschöönste Klöör,
wickeln denn in Goldpapeer.
Op de Wisch glieks nevenan
speelt he sünst, de Mümmelmann.
Aver nu mutt he sik spoden,
dat he för de Gör’n, de goden,
packt de Oosternester vull.
Oh, wat höög ik mi al dull!
(Ursula Kurz)
Im Kunstunterricht hat die Klasse 1/2b mit Korken Hasen auf dem Papier entstehen lassen. Noch sind alle Künstler unterschiedlich weit. Mal schauen, ob die Werke bis Ostern fertig werden...
Bild zur Meldung: Dieser Mümmelmann ist schon fast fertig...
